Doan 300 quilos de xurelos ao Comedor de San Francisco
Por Oskar Viéitez
A Redeaxuda recibiu esta mañá a doazón de 300 quilos de xurelos procedentes da lonxa de Bueu.
Ao quedar desertos os lotes na subasta da lonxa desta madrugada, o patrón do barco "Dos Meros" acordou chamar a Redeaxuda para ofrecer totalmente de balde os 300 quilos de xurelos.
A mercandía foi aceptada e trasladada a Pontevedra polo propio patrón con axuda dun mariñeiro ata o Comedor de San Francisco.
Redeaxuda agradeceu ésta e todas as donacións diarias que recibe.
Alerta
Redeaxuda tamén activou esta mañá unha alerta por parte do albergue de Calor e Café.
Precisaba unha neveira con conxelador.
Ao pouco de facer esta chamada de axuda conseguiron tamén o frigorífico.