Carme da Silva: "O que sorprende é que Ence exerza de portavoz da Xunta"
Por Redacción
O Concello de Pontevedra non dispón de información algunha sobre unha posible ampliación da Estación Depuradora de Augas Residuais de Praceres. Unha actuación que segundo a información difundida pola empresa Ence este pasado mércores 20, produciríase nos terreos do campo de fútbol de Praceres e unha vez que a pasteira devolva o solar ao Estado, como propietario do mesmo.
A concelleira de Urbanismo, Carme da Silva, sinalaba que: "nós non temos ningún coñecemento. O que máis me sorprendeu da noticia non é que o Concello teña información sobre se a depuradora vai ampliar ou non; o sorprendente é que Ence exerza xa de portavoz da Xunta. Nesa confusión que teñen PP e Ence, Ence e PP, pois agora Ence actúa de portavoz do PP e da Xunta".