Ravachol o "negociador" quere pactar o traslado de ENCE
Por Oskar Viéitez & Mónica Patxot
Ravachol chega este ano vestido de "negociador" para convocar á empresa Ence, ao Concello de Pontevedra, á Xunta e ao Goberno central para pactar "o traslado de Ence fóra de Lourizán".
"Ravachol vén disposto a poñer paz na comarca de Pontevedra, a poñer sentido no conflito máis importante e que crea máis debate na cidade", xustificaron os promotores do disfrace de negociador. Para iso, "Ravachol traballará intensamente estes días", engadiron, "para tentar devolver a praia aos pontevedreses e á ría ao que é da ría, sen perder nin un só posto de traballo", concluíron.
A Irmandade do Ravachol presentou esta tarde o disfrace do papagaio na Praza da Peregrina ante a recreación da botica de Perfecto Feijóo, propietario do plumífero ata a morte do ave un luns de Entroido de 1913.
A figura supera os dous metros de altura e necesitou "moitísimas plumas de cores", segundo a portavoz da Irmandade do Ravachol, Mabel Simal.
Os membros do colectivo empregaron "todas as tardes" ao longo dun mes para completar a súa confección e, ata a súa incineración, percorrerá distintos puntos de Pontevedra acompañando os actos festivos do Entroido.
Relacionadas:
-
Os nenos da Escola Infantil do Campus despiden ao Loro Ravachol
Por Elena Álvarez Quintá |
-
A chuvia, empeñada en fastidiar o Entroido: aprazan a Mostra da Parodia, o desfile e o Ravachol
Por Anxo Lourido |
-
A Mostra da Parodia toma o relevo na rúa da recreación da Botica
Por Redacción |
-
O Burla Negra triunfa na súa épica batalla contra franceses e ingleses
Por Oskar Viéitez & Diego Torrado |
-
A tripulación da Burla Negra conquistará o centro histórico na noite deste martes
Por Redacción |
-
Trasladan ao recinto feiral a festa infantil do martes de Entroido polo mal tempo
Por Redacción |
-
Oito grupos participarán desde este luns no XXV Concurso de Murgas de Pontevedra
Por Redacción |