Pontevedra, baixo os efectos de chuvias intensas e fortes ventos nos próximos días
A ameaza de choiva en Pontevedra, acompañada de ceos nubrados e fortes refachos de vento, protagonizan as predicións para a fin de semana seguindo coa mesma tónica dos últimos días, chegando a activar a alerta laranxa.
Doutra banda, as temperaturas ofrecen "mínimas en descenso notable e máximas en descenso moderado", segundo Meteogalicia, alcanzando o domingo mínimas de 6 graos e máximas de 12.
O comezo da semana non ofrece moitas variacións como indican os prognósticos meteorolóxicos, onde predominan os ventos de compoñente norte contando cunha alta probabilidade de precipitacións. O único día que ofrece un cesamento é o martes, protagonizado por ceos despexados e con baixas probabilidades de choiva. As temperaturas, con mínimas de entre 7 e 8 graos e máximas de 14, continúan o mesmo ritmo da fin de semana.
Certas melloras espéranse co paso dos días, remitindo o temporal das últimas semanas e deixando paso a algunhas nubes e claros e a precipitacións máis leves. Con todo, continuarán as baixas temperaturas.