Os nenos da Escola Infantil do Campus despiden ao Loro Ravachol
Os nenos da Escola Infantil do Campus acudiron este venres 12 de rigoroso loito ao centro onde celebraron un festivo velorio ao Loro Ravachol, no que se degustaron pratos como filloas e orellas elaboradas polos pais e nais. Remataba así unha semana chea de disfraces e sorpresas para os máis pequenos.
"A semana anterior xa fomos organizando diferentes actividades e esta centrámonos no entroido", salienta Ángeles Rodríguez, directora da Escola Infantil do campus. "Durante toda a semana os nenos e nenas foron decorando o loro engadíndolle distintos elementos, como plumas ou papeis de cores", engadiu.
O centro busca que con estas actividades os nenos coñezan as tradicións asociadas a estas festas, así como aos personaxes máis populares. A semana de actividades comezou o pasado luns cunha festa onde os nenos viñan disfrazados de casa, o martes estrearon os disfraces feitos en clase cos seus compañeiros e profesores.