Traballadores de Sequor denuncian retraso no pago das súas nóminas
Por Diego Espiño
Son 65 traballadores na provincia de Pontevedra, preto de 1.000 en toda España, e todos denuncian a mesma situación. Sequor, aseguran, leva atrasándose nos pagamentos aos seus empregados dende o mes de maio.
En ENCE esta empresa de seguridade privada emprega dez persoas, por ese motivo concentráronse diante da pastera, aínda que a fábrica de Lourizán non é a que lles debe diñeiro, "o tema é que a empresa está a cobrar os servizos puntualmente, pero se levan o diñeiro e o traballador non cobra", denuncia Pablo García, de CIG.
O seu compañeiro Chus Álvarez, do sindicato UGT, recalca os problemas que esta situación produce nos afectados, "llegamos a acumular hasta 30 días de retraso en las nóminas, ya no podemos más, los trabajadores no podemos estar sin cobrar y trabajando al mismo tiempo".
As protestas convocáronse en todas as delegacións provinciais de Sequor en España.