Entre San Xoán e San Bieito reformaranse Cruz Gallástegui, Castelao e Daniel de la Sota
Por Oskar Viéitez
O concelleiro de mobilidade do Concello de Pontevedra, Luís Bará, avanzou que a reforma das rúas Cruz Gallástegui, Castelao e Daniel de la Sota acometerase o próximo mes de xuño.
A idea que baralla o goberno local é a de aproveitar para facer "gran parte das obras" nese intervalo de tempo entre o final do curso escolar e o inicio das festas, o que Luís Bará resumiu como ese espazo de tempo "entre san Xoán e San Bieito" xa que neste período os traballos terían "menos impacto" polo que consideran que é "o momento máis oportuno".
Nos últimos días o goberno local mantivo reunións co colectivo de taxistas, os responsables do Hospital Miguel Domínguez, ou os comerciantes da zona e segue pendente a celebración da comprometida asemblea informativa que, en principio, celebrarase a próxima semana.
"Seguimos adiante coa idea de facer esa transformación na zona e sobre ese plan concibido non hai nada que o desbote", asegurou Luís Bará.
Lembremos que nas rúas Daniel de la Sota, Cruz Gallástegui e Castelao, modificarase o actual sentido da circulación e crearase unha plataforma única mediante a elevación da calzada ata a altura das beirarrúas mediante un asfalto coloreado.
Relacionadas:
-
Daniel de la Sota loce nova imaxe
Por Redacción |
-
Cambio de sentido en Cobián Roffignac e outra serie de propostas do PP para reordenar o tráfico
Por Natalia Puga |
-
Os cambios en Barcelos reducen nun 61% o tráfico en todo este ámbito urbano
Por Redacción |
-
Moreira reúne a veciños e comerciantes para analizar os cambios no centro urbano
Por Redacción |
-
A reordenación do centro urbano comezará por Cruz Gallástegui e Castelao
Por Redacción |
-
Revolución na circulación do centro da cidade
Por Alejandro Espiño |