A Xunta ratifica o cesamento de Cores Tourís
Por Redacción
O executivo galego celebrou unha reunión extraordinaria na mañá deste luns, presidida polo presidente galego, Alberto Núñez Feijóo, na que aprobou o decreto para que dez altos cargos que se presentan polos populares aos comicios do próximo mes cesen das súas funcións.
Deste xeito, abandona o seu posto o delegado territorial da Xunta en Pontevedra, José Manuel Cores Tourís, que ocupa o posto número oito na candidatura do PP na provincia.
Entre outros, tamén cesan nas súas funcións o responsable territorial do goberno galego en Vigo, Ignacio López-Chaves, a directora xeral de Igualdade, Susana López Abella e a directora de Turismo de Galicia, Nava Castro, quen ocupa o postos once, trece e nove, respectivamente, na candidatura pontevedresa.