Aparecen novas pintadas contra o BNG, agora en Moraña
Por Redacción
Apareceron novas pintadas que relacionan ao BNG coa privatización de servizos e coa corrupción. Nesta ocasión, o BNG de Moraña é o que denuncia esta presenza nas parroquias de Amil, Rebón e Espedregueira. Desde a formación nacionalista relacionan estas pintadas coa campaña levada a cabo por un grupo de traballadores do Parque de Maquinaria da Deputación.
As críticas do Bloque, a través dun comunicado, diríxense a eses traballadores "enchufados polo señor Louzán e o Partido Popular, apoiados tamén polo pseudosindicato Comisións Obreiras".
Desde o BNG faise referencia a que os veciños, sobre todo de Amil que se atopa durante estes días en festas, mostraron o seu rexeitamento a estas actuacións. E a formación nacionalista engade que na Deputación acabáronse os privilexios e as cacicadas. Afirman que ao PP cústalle aceptar isto e por ese motivo "alenta a campaña mafiosa e case terrorista contra os nosos representantes".
O BNG de Moraña esixe unha condena por parte do goberno municipal e do Partido Popular a estes actos mafiosos e reclaman á alcaldesa María Luisa Piñeiro, dirixente do PP provincial, que mande parar a campaña de ameazas de morte cara a deputados nacionalistas na Deputación.
Relacionadas:
-
A alcaldesa de Moraña pide que se retome o proxecto de reforma de Louzán para a estrada de Rebón
Por Redacción |
-
Goberno e oposición miden as súas forzas no Pleno da Deputación
Por Oskar Viéitez & Mónica Patxot |
-
Novas ameazas de morte ao deputado de Mobilidade, Uxío Benítez
Por Redacción |
-
O conflito laboral do Parque de Maquinaria trasládase á praza do Obradoiro
Por Redacción |
-
CCOO reitera que o Parque de Maquinaria está "abandonado" e pide "sensatez" á Deputación
Por Alejandro Espiño |
-
Rueda envía unha carta a Mosquera e o BNG monta un acto de apoio aos deputados nacionalistas
Por Oskar Viéitez & Mónica Patxot |