A integración do Hospital Provincial na nova praza de Loureiro Crespo, lista en novembro
Por Alejandro Espiño
O Concello de Pontevedra e o Sergas pecharon un acordo para integrar o Hospital Provincial no ámbito recentemente peonalizado en Loureiro Crespo, onde se creou unha gran praza pública enfronte o acceso principal ao centro sanitario.
O concelleiro Luís Bará desvelou que tras unha tramitación "complexa" ambas as partes acordaron un proxecto que permitirá afrontar unha serie de actuacións en materia de humanización que permitirán eliminar o actual peche do hospital.
As obras, que segundo os plans do Concello deberían estar terminadas en novembro, implicará a substitución do pavimento, a mellora da escalinata central, o arranxo dos accesos exteriores e o rebaixe do actual muro que será reconvertido nun banco corrido recuberto de madeira, eliminando o enreixado metálico.
O Concello asumirá a conservación e o mantemento de todo este espazo, incluído o pavimento e as zonas verdes.
Ademais, o goberno municipal deu licenza para trasladar a caseta de doazón de sangue, actualmente situada na entrada das urxencias infantís, á parcela reservada para estacionamento cara a Antón Fraguas.
Tras a súa retirada tamén se adaptará o espazo libre a todo este ámbito urbano.
Relacionadas:
-
A reforma integral da contorna do Hospital Provincial incluirá unha estatua en homenaxe aos doantes
Por Natalia Puga |
-
Comeza a integración do Hospital Provincial na nova praza peonil
Por Redacción |
-
O Sergas reordenará os espazos de aparcamento no Hospital Provincial
Por Alejandro Espiño & Mónica Patxot |
-
Acordo entre Concello e Sergas para integrar o Provincial na nova praza de Loureiro Crespo
Por Alejandro Espiño |
-
Música e xogos infantís na estrea da "Praza do Hospital"
Por Oskar Viéitez & Mónica Patxot |
-
Proxectan prolongar a praza peonil do Hospital Provincial ata o cruzamento de Antón Fraguas
Por Diego Espiño |