Sinaturas dixitais para evitar o traslado de Conservas Cuca
Por Redacción
Os traballadores da fábrica de Cuca en Vilaxoán teñen en marcha unha campaña de recollida de sinaturas que apoien a súa loita en contra do traslado da nave. As firmas van dirixidas directamente á sede central de Conservas Garavilla en Biscaia. A páxina de Change contén un escrito no que se fai referencia aos 80 anos de historia da fábrica na poboación vilagarciana.
Nese documento insístese en que cando hai un ano e medio o grupo vasco Garavilla adquiriu a factoría á familia Pita, o equipo non se imaxinaba que, meses despois, estaría a loitar contra o peche da factoría para trasladar aos traballadores a outra nave no Grove. Dende a iniciativa engádese que recibiu 360 mil euros por parte da Xunta durante os últimos catro anos con parte do financiamento procedente dos fondos europeos.
Polo momento, os traballadores que promoven a iniciativa suman case seiscentas sinaturas e esperan lograr mil.
O enlace para apoiar esta iniciativa para evitar o traslado está aloxado na plataforma Change.org.
Relacionadas:
-
Reunión infrutuosa entre as traballadoras de Cuca e a dirección de Garavilla
Por Aitana Vidal & Anxo Lourido |
-
Garavilla carece de autorización da Xunta para o traslado de Cuca
Por Redacción |
-
As traballadoras de Cuca manterán o luns unha xuntanza coa Conselleira do Mar
Por Redacción |
-
Comezan os traslados do persoal de Cuca
Por Oskar Viéitez |
-
Traballadoras de Cuca ou a loita por preservar unha vida: "veunos aquí a regra e veunos aquí a menopausia"
Por Mónica Patxot & Natalia Puga |