Denuncian a presenza dun gran niño de avespa asiática en Ponte Sampaio
Por Redacción
Veciños do lugar do Rañadoiro, na parroquia pontevedresa de Ponte Sampaio, observan con preocupación a presenza dun niño de avespa velutina de grandes dimensións que leva meses na cima dunha árbore a moi pouca distancia das casas.
Segundo relataron a PontevedraViva, descubriron que estaba sobre un eucalipto na zona do campo da festa do Rañadoiro hai xa tres meses e naquel momento alertaron aos servizos de emerxencias, pero desde entón ninguén actuou para retiralo.
O niño é de grandes dimensións, o maior de cantos teñen constancia que se detectaron ata o momento nas inmediacións, de aí a súa preocupación. Ademais, atópase nunha zona moi transitada por veciños de todas as idades, nenos incluídos, e a poucos metros das casas.
Ata o momento, este niño da coñecida especie invasora non causou ningún incidente, pero temen que chegue a provocalo e piden que se actúe para a súa retirada. Lembran, ademais, que esta avespa adoita ocasionar importantes danos ás abellas.
Relacionadas:
-
Alertan da presenza dun niño de avespa asiática nos arredores do centro de saúde de Lérez
Por Redacción |
-
O niño de avespa asiática localizado en Ponte Sampaio, reducido a cinza
Por Redacción |
-
Alertan da presenza dun niño de avespa asiática preto do colexio de Xeve
Por Natalia Puga |
-
A avespa velutina aséntase en Sanxenxo
Por Redacción |
-
Un "palo largo" para combatir a la avispa asiática
Por Redacción |
-
Retiran un niño de avespa velutina do interior dun nicho
Por Oskar Viéitez |
-
Localizan un niño de avespas asiáticas na avenida de Bos Aires
Por Oskar Viéitez |