Comisións Obreiras solicita a dimisión do xerente dos hospitais de Pontevedra e O Salnés
Por Oskar Viéitez
Comisións Obreiras solicita a dimisión de José Manuel González, xerente dos hospitais de Pontevedra e O Salnés.
Este sindicato sinala a "nefasta xestión" do xerente e a súa "pronunciada xordeira" para escoitar a demanda dos profesionais en temas básicos que afectan á atención dos usuarios da sanidade pública.
Entre outras demandas do persoal facultativo citan a carencia de celadores dedicados exclusivamente á atención aos doentes e os seus familiares na porta principal o que, segundo apuntan, provoca "situacións de total abandono" pola falta de mobilidade do paciente ou do acompañante ou ás veces a carencia do acompañante tendo que sufrir un "verdadeiro calvario" ata chegar ás consultas ao ser "abandonados á súa sorte" nas salas de espera ou nos corredores.
Comisións Obreiras cre que esta "anómala situación" supón unha "máis que probable vulneración de dereitos fundamentais".
Por outra banda, estes representantes sindicais afirman que o "bloqueo nas Urxencias" demostrou "a falta de medidas de anticipación e de total descoordinación".
Ademais sinalan que a saturación deste servizo de Urxencias é tamén consecuencia de "substituír as camas que se perderon no seu día na unificación dos Hospitais Provincial e Montecelo, pola concertación privada".
Relacionadas:
-
Tino Fernández, secretario local do PSOE, satisfeito co cesamento do xerente dos Hospitais
Por Anxo Lourido |
-
Sanidade releva a José Manuel González da xerencia do CHOP
Por Oskar Viéitez | Creada e actualizada
-
A Xunta de Persoal remítelle unha carta ao conselleiro de Sanidade para pedir o cese do xerente
Por Oskar Viéitez |
-
Sanidade rexeita falar de colapso en Urxencias mentres o persoal o atribúe á "nefasta xestión"
Por Natalia Puga |
-
A marea branca volverá a Pontevedra o sábado 21 coa mirada posta no colapso de Urxencias
Por Redacción |
-
Urxencias de Montecelo ten unha situación "estable" despois de días de colapso
Por Natalia Puga |
-
CIG-Saúde sospeita que a saturación das urxencias pode ser "interesada" para favorecer a sanidade privada
Por Oskar Viéitez |
-
Os socialistas preguntan no Parlamento de Galicia polo colapso en urxencias de Montecelo
Por Redacción |