O centro de saúde da Parda instala pictogramas para as persoas con autismo
Por Redacción
O centro de saúde da Parda conta dende este xoves con indicadores adaptados para mellorar a accesibilidade á información dos pacientes con trastorno do espectro autista ou trastorno da comunicación.
Nesta iniciativa colaborou o colectivo Por Dereito (Asociación para a Integración das Persoas con Autismo), que levou a cabo a colocación dos sinais adaptados á linguaxe pictográfica no centro sanitario pontevedrés.
Logo do centro de especialidades de Mollabao, o da Parda é o primeiro centro de saúde pontevedrés que adapta a súa sinalización á linguaxe pictográfica.
Esta iniciativa, que deu comezo no Hospital Provincial, o primeiro centro hospitalario que acolleu un proxecto destas características en Galicia, e continuou no Hospital do Salnés, pretende a sinalización de espazos mediante un sistema de comunicación alternativo e aumentativo baseado en pictogramas.
Relacionadas:
-
Nova historia de Nicolás, un libro pensado para persoas con autismo
Por Oskar Viéitez |
-
Chamamento para romper barreiras no Día Mundial de concienciación sobre o Autismo
Por Redacción |
-
O Concello elaborará un plan para facer a Pontevedra máis accesible
Por Redacción |
-
Os centros sanitarios pontevedreses adaptan a súa sinalización ás persoas con autismo
Por Redacción |
-
O servizo de Urxencias do Hospital adáptase para os menores con trastorno do espectro autista
Por Redacción |