Pontevedra terá nova ordenanza de terrazas e de protección animal
Por Alejandro Espiño
Na corporación municipal tamén hai puntos de encontro. Dúas mocións, presentadas respectivamente por Partido Popular e Marea, lograron poñer de acordo a todos os grupos políticos. Grazas a esta unanimidade, Pontevedra contará cunha nova ordenanza para regular as terrazas e veladores e cunha normativa sobre protección animal.
Con respecto á primeira delas, iniciativa do PP, o acordo coñeceuse antes da sesión plenaria. O goberno municipal anunciou hai uns días que, en breve, comezarían os contactos co sector para actualizar unha ordenanza vixente de 1997 e que se quedou claramente desfasada desde entón.
Iso si, Carme da Silva advertiu ante o pleno que esta nova regulación non se acordará unicamente cos hostaleiros, senón que os contactos incluirán a outros colectivos veciñais, empresariais ou sociais que se consideren parte interesada neste proceso de actualización.
Os populares explicaron que coa nova ordenanza búscase garantir a seguridade, persoal e xurídica, dos hostaleiros, dos veciños e do propio concello. Reclamou ademais que o Concello póñase "manos a la obra" para comezar a redactar este regulamento e acordalo cos afectados.
Así, a nova ordenanza deberá regular a ocupación do espazo público, atendendo ás especiais características das diferentes áreas urbanas, os horarios de montaxe e recollida, os criterios estéticos e a publicidade ou elementos novos que non están regulados como os peches estables, as estufas e os espazos interiores abertos cara á rúa.
ORDENANZA DE PROTECCIÓN ANIMAL
Marea foi a encargada de trasladar ao pleno a necesidade de que Pontevedra conte cunha ordenanza específica de protección animal e convivencia, en cuxa redacción entenden que deben participar os servizos municipais correspondentes e as entidades protectoras de animais que desempeñar o seu labor na cidade.
Na proposta, que tamén contou coa unanimidade de todos os grupos políticos, Marea sinalaba a necesidade de regular as obrigacións dos propietarios de animais domésticos, a redacción dun protocolo de atención ante os abandonos, a convivencia cos animais nos espazos públicos ou as campañas de sensibilización nesta materia.
Relacionadas:
-
O PSOE pide medidas urxentes ante a proliferación de gatos abandonados na cidade
Por Redacción |
-
Libera ofrece a súa axuda para redactar a ordenanza municipal de protección animal
Por Redacción |
-
Os animalistas reclaman datos sobre a redacción da ordenanza de protección animal
Por Redacción |
-
Os cambios na ordenanza de terrazas e veladores supoñerán un "proceso longo" de negociación
Por Diego Espiño |
-
RADIO.- Unha nova ordenanza de veladores e terrazas, co silencio xeralizado "a priori" da hostalería
Por Marisa Ciordia |
-
Estas son as primeiras achegas á nova ordenanza de protección animal
Por Oskar Viéitez |
-
O Concello consultará con colectivos animalistas e veterinarios a ordenanza de protección animal
Por Alejandro Espiño |
-
Os deteriorados vestiarios do campo de Ponte Sampaio serán renovados
Por Alejandro Espiño |
-
Haberá cambiadores para bebés nos aseos masculinos e femininos dos edificios municipais
Por Alejandro Espiño |
-
Zona Monumental reclama un amplo consenso para actualizar a ordenanza de terrazas
Por Alejandro Espiño |
-
Unha nova ordenanza regulará as terrazas e veladores da hostalería
Por Alejandro Espiño |
-
10.000 sinaturas piden unha ordenanza de protección animal para Pontevedra
Por Redacción | Creada e actualizada