Os Xeves e Verducido, primeiras parroquias en contar con composteiros individuais
Por Alejandro Espiño
Un total de 8.000 módulos individuais de compostaxe repartirá o Concello de Pontevedra entre as vivendas do rural. Con eles, segundo os cálculos realizados para o plan de residuos que elabora a Deputación, cubriranse as necesidades de todas as parroquias.
Os técnicos municipais traballan xa na elaboración dos pregos que rexerán esta contratación, que supoñerá un investimento próximo aos 800.000 euros. Inicialmente, o despregamento destes compostieros preténdese comezar en Santa María de Xeve, San Andrés de Xeve e Verducido.
A concelleira responsable do servizo de limpeza e recollida de lixo, Carme da Silva, explicou que o Concello prevé adquirir a cantidade de composteiros que o plan recomenda para o rural pontevedrés, aínda que non se entreguen na mesma anualidade debido á contía do contrato.
Iso si, a intención do goberno municipal é introducir nestes pregos que a empresa que forneza os composteiros tamén se encargue da súa distribución no rural.
Da Silva avanzou que non pode adiantar datas de cando se realizará o despregamento destes módulos individuais de compostaxe, pero comezará en todo caso este mesmo ano.
Relacionadas:
-
Prorrogan o contrato do lixo en Pontevedra, á espera de concretar o plan de compostaxe
Por Alejandro Espiño |
-
O campus estrea composteiro comunitario e poñerá en marcha unha horta ecolóxica
Por Oskar Viéitez |
-
Os composteiros de Monte Porreiro e Campolongo atenderán a máis de 8.000 veciños
Por Redacción |
-
Monte Porreiro e Campolongo, primeiras áreas urbanas en completar o sistema de compostaxe
Por Alejandro Espiño |