PontevedraViva comparte a súa experiencia cos universitarios no Día Mundial da Radio
Con motivo de conmemorar o Día Mundial da Radio, a Facultade de Ciencias Sociais e da Comunicación (FCSC) convidou os redactores de PontevedraViva, Marisa Ciordia e Diego Espiño, a un encontro co alumnado que tivo lugar a mañá do 13 de febreiro. Tamén se quixo utilizar a xornada para dar a coñecer a radio universitaria El Escaparate, formada por 24 estudantes do campus.
O coloquio tivo como obxectivo ensinar aos interesados o proceso de creación dunha radio online, favorecido pola democratización da Internet e os poucos recursos necesarios para a súa posta en marcha en comparación coa radio tradicional.
Á súa vez, Espiño e Ciordia, responsable de PontevedraViva Radio, quixeron destacar o "amplo espectro" que cobren os proxectos online e máis concretamente a radio, que atopa nos mozos o seu público principal. Aínda que o consumo radiofónico por Internet non aumenta ao mesmo nivel que o escrito, incidiron en que os estudantes "non teñan medo a probar".
Unha vez finalizado o encontro, continuouse a celebración cun concerto e un xantar gratuíto para así coller forzas para unha tarde de gravación en directo que empezaría ás 16:30 horas a cargo de El Escaparate.
A iniciativa, que comezou a súa andaina en marzo do 2016, busca crear podscast atemporales para non limitar o seu consumo e enfocan o seu futuro á procura de entrevistas a "persoas de certo nome ou relevancia", segundo as palabras de Carol Buceta, produtora do magazín.