Cuadriplícanse as sancións a ciclistas en catro anos: 183 en 2016
Por Redacción
A asociación Pedaladas deu a coñecer estre xoves as sancións que a Garda Civil de Tráfico en Pontevedra impuxo durante o ano pasado aos ciclistas en vías da provincia. Foron un total de 183 nun ano, unha cifra que supón cuatriplicar a media habitual de multas a este colectivo. En concreto, foron catro veces máis que nos catro anos anteriores.
Pedaladas explica que eses datos llos facilitou á asociación a propia Xefatura Provincial de Tráfico e asegura que este incremento ten dúas explicacións. A primeira, o maior uso da bicicleta. A segunda, a petición expresa desta asociación aos axentes para que aumenten a vixilancia sobre os ciclistas. En todo caso, son datos e afirmacións realizados polo colectivo, non por Tráfico.
Segundo estes mesmos datos, o principal motivo de sanción foi que o ciclista non levaba casco. Ocorreu en 65 denuncias contra outras tantas persoas que non cumpliron a norma que establece que é obrigatorio en vías inter urbanas para todos os ciclistas e en vías urbanas para os menores de 16 anos.
Ademais, foron sancionados 38 ciclistas por ir en bici baixo a influencia do alcol ou as drogas. As taxas de alcohol son as mesmas que para os condutores de vehículo a motor e no caso dos ciclistas non implica perda de puntos do carné, pero si a mesma sanción económica. Outros oito foron denunciados por negarse a someterse ao test de alcohol o ou drogas
Outros 21 ciclistas foron denunciados por circular utilizando auriculares, conducta que implica unha sanción de 200 euros; e seis por circular sen luces ou chalecos reflectores. Entre a posta e a saída do sol é obrigatorio circular con luces e nas vías interurbanas é obrigatorio o uso dun chaleco.
Pedaladas asegura que bota de menos que en 2016 non se realizara ningunha denuncia a ciclistas que non respectaron os semáforos e aos que circulan en grupo de máis de dous en paralelo e engaden que "non consideramos que a sanción económica sexa xusta no caso dos ciclistas". Ao respecto, recordan que nos países onde se considera unha prioridade a promoción da bicicleta, a lexislación diferencia as bicicletas dos vehículos a motor no pagamento das sancións económicas, atendendo ao menor risco para a vida que implican.
Relacionadas:
-
Multan un ciclista por non manter a atención permanente á condución
Por Oskar Viéitez |
-
Hai mal rollo entre o Concello e Pedaladas?
Por Oskar Viéitez |
-
Pedaladas está decepcionada co proxecto para Loureiro Crespo e propón unha "Súper Mazá"
Por Oskar Viéitez |
-
O PP critica que a Mesa pola Bicicleta leve dende agosto sen reunirse
Por Oskar Viéitez |
-
Estas oito condutas ao volante puxeron en perigo a ciclistas e xa foron denunciadas
Por Natalia Puga |
-
RADIO.- Vas ao volante, precédeche un ciclista e hai liña contínua: adiantas?
Por Marisa Ciordia |
-
Ao insti, en bici e seguros
Por Redacción |