A chuvia obriga a buscar novas datas nos entroidos de Poio e Sanxenxo
Por Redacción
O goberno local de Sanxenxo decidiu suspender o desfile infantil previsto para a tarde deste mércores 1, debido ás inclemencias do tempo. A idea inicial é que se desprace ao domingo 12 de marzo pero a organización alerta de que dependerá de como vaia evolucionando a metereología nos próximos días, á espera do que suceda co desfile de adultos previsto para o vindeiro domingo 5.
A asociación Amigos da Dorna, organizadora do Enterro da Sardiña en Portonovo, trasladou tamén a organización desta festa, prevista para este mércores, para o sábado día 4. Mentres, a Agrupación Veciñal de Vilalonga pospón o seu enterro da cabra para o venres día 10 de marzo.
ENTERRO DO MEXILLÓN EN COMBARRO
O Ateneo Corredoira, organizadores do Enterro do Mexillón de Combarro, tras manter unha reunión nas últimas horas coa concelleira de Cultura e Festexos, Lidia Salgueiro, decidían tamén aprazar a celebración deste evento festivo do Entroido de Poio.
A nova data para o Enterro do Mexillón decidirase nun novo encontro entre os organizadores que terá lugar este xoves cos representantes das comparsas Os Canecos e Os Centolos, ademais do Grupo de Entroido de Samieira.
En Poio si se manteñen os dous bailes infantís programados para o lugar de Campelo e na parroquia de Raxó que están previstos na programación do Entroido para as tardes do sábado 4 e para o domingo 5.
Relacionadas:
-
O Galo Fodorico despide mes e pico de Entroido en Poio
Por Diego Torrado |
-
Continúa en Samieira a rolda de despedidas e enterros do Entroido de Poio
Por Diego Torrado |
-
Poio retoma o Entroido, despois do mal tempo, cunha gran variedade de actividades
Por Luca Yohan Silva Lamy |
-
O PP cre que o entroido de Poio "está a morrer lentamente"
Por Redacción |
-
VIDEO.- 'Se vés disfrazado de Jato, encontra o rato'
Por Sofía Fernández Fuentes |
-
A chuvia apraza a recta final do entroido de Sanxenxo
Por Redacción |
-
Isabel Risco será a teloneira do festival de parodias de Portonovo
Por Redacción |
-
Bota a andar un mes de Entroido en Poio. Consulta os gañadores do desfile
Por Diego Torrado |
-
Aplauden que Sanxenxo prescinda do uso de animais neste Entroido 2017
Por Sofía Fernández Fuentes |
-
Sanxenxo prepara un Entroido de oito días con actividades para todas as idades
Por Redacción |
-
Poio prepárase para un mes de Entroido con catro enterros e un gran desfile
Por Anxo Lourido |
-
O Concello de Poio reúnese coas comparsas para preparar o Entroido
Por Oskar Viéitez |