Cuntis, capital do lacón con grelos cunha festa de récord
Por Redacción
Esperábase unha gran afluencia á Festa do Lacón con Grelos de Cuntis, pero a resposta superou todas as expectativas previstas. Unhas 2.000 persoas degustaron, segundo datos da organización, este saboroso prato na carpa habilitada.
A elas hai que sumar a todos aqueles que optaron por gozar da festa nalgún dos restaurantes e bares do municipio, que tamén serviron lacón nesta xornada dominical e onde foi misión case imposible atopar sitio sen reserva previa.
Ademais da comida oficial, que se celebrou sobre as dúas da tarde, a Festa do Lacón incluíu numerosas actividades.
Tras o pregón da actriz pontevedresa Beatriz Campos, fóronse sucedendo as actuacións musicais -entre elas un concerto de Caxade-, unha nova edición do Vespalacón ou a Mostra de Entroido Tradicional.
Os asistentes á festa, entre eles a presidenta da Deputación, Carmela Silva, puideron tamén contemplar as mostras habilitadas, entre elas, as de camelias, bonsáis e apeiros de labranza; ou participar nas actividades infantís.
A xornada concluíu co tradicional velorio e enterro do Chapante.
Relacionadas:
-
Febreiro, un mes de culto ao lacón en Cuntis
Por Diego Espiño |
-
Cuntis prepárase para celebrar a 'Festa do Lacón con grelos' con Carlos Blanco como pregoeiro
Por Redacción |
-
Todo preparado en Cuntis para celebrar os vinte anos da Festa do Lacón
Por Redacción |
-
Cuntis celebra o seu desfile de Entroido
Por Redacción |
-
As rúas de Cuntis melloran a súa imaxe para a Festa do Lacón
Por Redacción |