O PP pide ao tripartito unha ordenanza para regular as terrazas da hostalería
Por Redacción
Unha ordenanza que regule unha actividade tan importante para Sanxenxo como as terrazas da hostalería. É a nova petición que fai o Partido Popular ao goberno municipal.
Será a través dunha moción que presentarán ao próximo pleno na que instarán o tripartito para que promova e elabore unha normativa para controlar esta actividade hostaleira.
Os populares esperan que esta ordenanza se aprobe co consenso de todos os grupos políticos e, sobre todo, se conte con todo o sector turístico para a súa redacción.
O PP considera que se debe facer compatible o uso público e a utilización privada dos espazos públicos en beneficio da actividade turística, pero tamén do interese xeral e a protección da reputación de Sanxenxo como unha marca turística de calidade.
A ordenanza ten que definir o tipo de instalacións, como é o caso das terrazas con cerramentos estables ou provisionais, os horarios en función da tempada, a superficie máxima de ocupación, as características das instalacións, os criterios estéticos do mobiliario ou os procedementos que permitan axilizar a tramitación das autorizacións.
Desde o PP aseguran que este aspecto, ben regulado, servirá para potenciar a actividade, o prestixio e reputación de Sanxenxo como destino turístico.
Relacionadas:
-
Sanxenxo prepara unha nova ordenanza reguladora das terrazas
Por Oskar Viéitez |
-
O tripartito celebra que o PP se preocupe das terrazas "tras 16 años de pasividade"
Por Redacción |
-
O 30 de marzo entrará en vigor a nova ordenanza de ruídos que adapta a Sanxenxo á norma actual
Por Redacción |
-
A demanda de profesionais do sector turístico apuntala a súa formación en Sanxenxo
Por Redacción |
-
Marcando a pauta a Sanxenxo para converterse en destino turístico intelixente
Por Oskar Viéitez |