Pepe Solla apoia a campaña para o estudo da biopsia líquida
Por Oskar Viéitez
Pepe Solla amosou o seu apoio á campaña de micromecenado para o estudo da biopsia líquida de Oncomet, visitando este luns a mesa informativa situada na Praza da Herrería.
Voluntarios colaboradores co grupo de Oncoloxía Médica Translacional do Instituto de Investigación Sanitaria de Santiago de Compostela Oncomet informaron da campaña de micromecenado posta en marcha por este grupo de investigación, coa que pretende involucrar a todos os cidadáns na financiación colaborativa e desinteresada dun novo proxecto de investigación oncolóxica: a biopsia líquida.
O coñecido cociñeiro xa amosaba o seu apoio á campaña ao principio da mesma a través das redes sociais pero este luns quixo deixar ben patente este apoio.
Quedan 17 días para conseguir chegar aos 500.000 euros precisos para a compra do equipamento e a contratación do persoal necesario para continuar co estudo da biopsia líquida, unha técnica revolucionaria que conseguiría mellorar a calidade e a esperanza de vida dos doentes de cancro.
Relacionadas:
-
Apoio do Pontevedra á campaña de mecenado para a investigación sobre a biopsia líquida
Por Redacción |
-
Fan falta mecenas para investigar sobre a biopsia líquida, a que agardas?
Por Redacción |
-
Na procura de 500.000 euros para promover a investigación do cancro a través de biopsia líquida
Por Mónica Patxot & Anxo Lourido |