Educar en igualdade no día do Pai
Por Aitana Vidal
Os escolares vilagarcianos viviron a festividade do Día do Pai nos centros educativos traballando os valores de igualdade e corresponsabilidade a través da campaña que con motivo desta festividade volveu a poñer en marcha a Área de Igualdade do Concello.
Os alumnos de Infantil e Primaria traballaron esta mañá coas tarxetas distribuídas polo Concello para que, ademais de felicitar aos seus pais, aprenderan e trasladasen aos seus proxenitores a idea da corresponsabilidade e a igualdade no ámbito familiar.
A Área que dirixe Ángeles Rodríguez editou 1.900 tarxetas de dous modelos que se distribuíron entre os colexios. En ámbolos dous casos utilízase o exemplo de pasar o ferro como unha actividade neutra, libre de esterotipos sexistas.
Deste xeito, a Área de Igualdade pretende que os nenos vaian interiorizando xa dende cativos os valores de igualdade e corresponsabilidade e que sexan eles os trasladalen ás súas respectivas familias.