México, destino da primeira misión empresarial impulsada polo Concello
Por Alejandro Espiño
Unha vintena de empresas acompañarán, por primeira vez, ao goberno municipal nun das súas viaxes internacionais. Será a México D.F., cidade á que o Concello volveu a ser convidada para falar do modelo urbano de Pontevedra. "É unha viaxe que estamos a preparar con moita ilusión", explicou a concelleira de Promoción Económica, Anabel Gulías.
O goberno municipal entende que, unha vez que o modelo pontevedrés converteuse nunha "referencia" en todo o mundo, "hai que sacarlle o máximo rédito" non só para a propia cidade, senón tamén para as empresas que traballan en Pontevedra e arredores e que, neste caso, teñan interese en abrir negocios con México.
Esta misión comercial estará en México D.F. os días 23, 24 e 25 de agosto e o Concello tivo xa os primeiros contactos con empresas para que integren esta comitiva. Todas elas mostráronse "encantadas" con esta idea, segundo Gulías, quen convidou a aquelas compañías que poidan estar interesadas a que "se poñan en contacto con nós".
As empresas deben formar parte que os catro sectores "básicos" que o Concello seleccionou para esta misión comercial: turismo, sector primario e alimentación, deseño urbano e construción e creatividade. Serán, en todo caso, "referentes" en cada unha destas actividades.
A edil do BNG explicou que o goberno municipal "levábamos desde hai tempo" tentando organizar unha misión deste tipo, aproveitando que o modelo urbano de Pontevedra segue "plenamente vixente e en forma".
A oportunidade xurdiu, dixo, tras o convite recibido polo Instituto Tecnolóxico Autónomo de México (ITAM), unha das universidades privadas máis prestixiosas da capital azteca. O centro organizou un seminario para analizar transformacións urbanas e elixiron a Pontevedra para que explique o cambio que experimentou a cidade.
Ademais, a secretaría de desenvolvemento económico de México D.F. tamén convidou a Pontevedra a participar, nesas mesmas datas, nun evento denominado Expopymes. Trátase dunha feira que busca crear alianzas comerciais e analizar oportunidades de negocio e que, este ano, estará dedicada ás cidades globais e ás enerxías limpas.
Pontevedra formará parte da delegación internacional convidada a este evento, xunto coas cidades estadounidenses de Chicago, Phoenix, San Antonio e Los Angeles.
Relacionadas:
-
Lores cre que é "decepcionante" a actitude do PP respecto da misión comercial a México
Por Oskar Viéitez |
-
Lores: "As cidades intelixentes son as que fan que as persoas que viven nelas sexan felices"
Por Oskar Viéitez |
-
O PP levará ao pleno a "falta de transparencia" do Concello coa misión comercial a México
Por Redacción |
-
Os empresarios, a disposición da misión comercial a México tras aclarar "malos entendidos"
Por Alejandro Espiño |
-
A misión comercial a México está "aberta", aclara o Concello, a todas as empresas interesadas
Por Alejandro Espiño | Creada e actualizada
-
Os empresarios critican falta de transparencia do Concello na súa primeira misión comercial no exterior
Por Redacción |
-
Melilla fíxase en Pontevedra para mellorar a seguridade viaria
Por Redacción |
-
Anabel Gulías defende en Valencia o modelo urbano pontevedrés
Por Oskar Viéitez |
-
Lores, en Puente Genil: "A mellor seguridade viaria son os nenos xogando na rúa"
Por Alejandro Espiño |
-
Toni Puig, o 'gurú das cidades': "Me he enamorado de Pontevedra. Es la mejor ciudad de España para vivir"
Por Alejandro Espiño & Mónica Patxot |
-
Braga tamén se interesa polo modelo urbano de Pontevedra
Por Alejandro Espiño & Mónica Patxot |
-
Andorra La Vella visita Pontevedra para "aprender" do seu modelo urbano
Por Alejandro Espiño & Mónica Patxot |