Para o PP a nova localización do skatepark supoñería "hipotecar" a última parcela do campus
Por Redacción
O acordo ao que chegou o Concello coa Universidade de Vigo para instalar no campus o demandado skatepark, segundo anunciou o goberno local recentemente, non satisfai ao Partido Popular.
"É incomprensible que un lugar desbotado polo propio goberno en 2014 agora sexa a opción elixida", explica o concelleiro do PP César Abal.
O edil entende que "de confirmarse esta opción estariamos a hipotecar a última parcela dispoñible no campus de Pontevedra reservada para calquera uso ou demanda futura da universidade".
Abal, a través dun comunicado, incidiu no que entende como descoordinación xa que o Concello, de acordo cos técnicos municipais, encargara asistencia técnica para o proxecto da cuberta sobre a pasarela de 12 de Novembro, na que se pretendía instalar o skatepark ademais dunha pista polideportiva e unha senda peonil coa que "todos os axentes estiveron de acordo", e que tivo un custo de 1.161,60 euros.
"O BNG xa tivo que indemnizar a outra empresa especializada polo proxecto do skatepark baixo a autoestrada en Mollabao e agora volvemos repetir a mesma desfeita", denunciou o concelleiro popular, que pide reflexión neste asunto ao goberno municipal.
Relacionadas:
-
O Partido Popular reclama unha solución para as cubertas de 12 de Novembro
Por Redacción |
-
A universidade valora o efecto "positivo" que terá o skatepark ao "revitalizar" o campus
Por Natalia Puga & Alejandro Espiño |
-
O 'skatepark' estará no campus
Por Alejandro Espiño |
-
Buscan nova localización para o 'skatepark' tras descartarse crealo en 12 de Novembro
Por Natalia Puga |
-
Un 'skatepark' de 1.000 metros cadrados, principal atractivo da nova pasarela
Por Alejandro Espiño & Cristina Saiz |
-
O PP concreta o seu propio proxecto de 'skatepark' para 12 de novembro
Por Alejandro Espiño |