Elnosa solicita á Xunta a súa supramunicipalidade para poder continuar en Lourizán
Por Alejandro Espiño
Elnosa move ficha. A compañía electroquímica entregou este mércores ante a Xunta de Galicia a solicitude para iniciar a tramitación administrativa do proxecto sectorial de incidencia supramunicipal para a implantación de novas instalacións en Lourizán.
Este trámite realizouse ante a Consellería de Economía, Emprego e Industria.
A petición, segundo sinalou a empresa nun comunicado, realizouse tras a negativa do Concello de Pontevedra a aprobar un plan especial de reforma interior (PERI), un trámite urbanístico necesario para a súa posible continuidade.
O conselleiro de Elnosa, António Mesquita de Sousa, explicou que a compañía "confía" en poder continuar coa súa actividade industrial en Lourizán, máis aló de decembro de 2017, data na que a Unión Europea impedirá seguir usando mercurio no proceso de produción do cloro.
De Sousa entende que esa continuidade permitiría "crear valor e manter os postos de traballo directos, indirectos e inducidos" que xera a compañía electroquímica.
Ademais, Elnosa desvela que tamén se están levando a cabo os trámites oportunos para a revisión da autorización ambiental integrada, que debe autorizar o goberno galego, para manter a actividade industrial na planta de Pontevedra.
Relacionadas:
-
A APDR pregúntase se a Xunta e o Estado "finalmente farán cumprir a lei" tras o ditame de Europa sobre Elnosa
Por Redacción |
-
A Unión Europea prohibe a Elnosa seguir utilizando mercurio a partir de decembro
Por Redacción | Creada e actualizada
-
Os traballadores de Elnosa piden o "cese de la violencia institucional" contra eles
Por Oskar Viéitez & Mónica Patxot |
-
O Concello oporase "con todos os medios dos que dispón" á supramunicipalidade de Elnosa
Por Alejandro Espiño |
-
"Non todo van ser protestas na rúa", os traballadores de Elnosa entregan alimentos ao Comedor de San Francisco
Por Oskar Viéitez |
-
O persoal de Elnosa protesta contra a "violencia institucional" do Concello e o "sátrapa" de Lores
Por Oskar Viéitez |
-
O comité de empresa de Elnosa pide a Ana Ortiz que presione para acelerar a concesión de Costas
Por Anxo Lourido |
-
Elnosa, a primeira "peza do puzle" que a marcha contra ENCE busca sacar do complexo de Lourizán
Por Alejandro Espiño & Diego Torrado |