Os concellos intentan facerlle fronte á invasión de avespas velutinas
Por Redacción
A Agrupación de Voluntarios de Protección Civil de Cuntis retirou desde o mes de xaneiro un total de 105 niños de avespa velutina. Esta especie esténdese por toda a provincia ante a preocupación non só dos apicultores que ven perigar as colmeas senón tamén de agricultores e de viticultores, xa que estas avespas atacan as árbores froiteiras e tamén os viñedos.
Neste municipio, a parroquia máis afectada é a de Arcos de Furcos, pero o Concello de Cuntis alerta da situación preocupante xa que os niños estendéronse por todo o territorio.
Esta prevista a creación en Umia dunha asociación que se organice para facer fronte a esta praga.
MARÍN
No Concello de Marín tamén realizaron balance do número de niños retirados desde principios do ano e ascende a 70. Desde o Concello agradécese a intervención de numerosos particulares que están a alertar da presenza das avespas.
Nas últimas horas, a unidade de Depolgal encargouse de eliminar un niño na baixada á praia de Aguete, en Gago de Mendoza, Ameal, Arealonga, Aguete, A Moreira, Cadrelo e en Pereiro.
Desde a concellería de Medio Ambiente de Marín sinalan que non deixan de recibir chamadas alertando da presenza de niños en distintas localizacións.
Relacionadas:
-
Cuntis planta batalla á avespa velutina
Por Redacción |
-
Os socialistas reclaman á Xunta medidas "contundentes" contra a plaga velutina
Por Redacción |
-
Cerdedo-Cotobade e Campo Lameiro ármanse contra a avespa velutina
Por Redacción |
-
RADIO.- Unha raíña e doce machos que conseguiron invadir Europa
Por Marisa Ciordia |
-
Queren crear unha asociación no Umia de loita contra a praga da avespa asiática
Por Redacción |
-
Pontevedra promove no rural un grupo pioneiro de resistencia anti velutina
Por Natalia Puga |
-
Ollo, isto non se toca! Son trampas para eliminar avespas asiáticas
Por Redacción |