Pendentes do ceo pensando na Feira Franca
Por Redacción
Choverá na Feira Franca? É a pregunta que milleiros de pontevedreses fanse estes días pensando na popular festa medieval, que se celebrará o vindeiro sábado 2 de setembro.
Polo momento, o prognóstico a medio prazo do servizo meteorolóxico de Meteogalicia é esperanzador, sempre desde a precaución que supón acertar cunha predición a varios días de distancia.
A última semana de agosto arrincará nas Rías Baixas con varias xornadas de nubes e claros, con alta probabilidade de que se produzan precipitacións especialmente durante a noite deste luns.
Con todo esta situación melloraría a partir do xoves e a estabilidade iría en aumento. Así, sinala Meteogalicia, tanto o venres 1 de setembro como o sábado 2, día da Feira Franca, "predominarán as altas presións, con tempo seco e asollado", aínda que manteñen un 20% de probabilidade de que se produza algunha choiva.
Esta situación empeoraría o domingo 3 de setembro cunha inestabilidade que se prolongaría durante a primeira semana do mes de setembro.