RADIO.- David Amor: non é amateur e toma vermú cando está de tour
Por Marisa Ciordia
Nome artístico: David Amor (aínda que lle tería gustado David Veleiro). Nome que figura no seu DNI: David López Veleiro. Pais: José Luis e Maribel. Irmáns: Raquel, "a persoa máis boa que coñezo".
Enfermidades: "juliosalinitis crónica" na infancia -foi suplente ata nos adestramentos de fútbol-; frustración coa lingua de Shakespeare; dependencia familiar; charramangueiro e verbeneiro; doenza sen clasificación: "teño días". A pesar de tantas alteracións "agora estou nun bo momento".
Non practica o nudismo, hai moito móbil solto por aí. Débedas pendentes: "co balonmán". Esta tempada tratará de saldar a conta: vai xogar e retírase oficialmente. Presenza nas redes sociais: "se puidese non tería". Estado de whatsapp: Apenas uso isto, pero grazas polas felicitacións e igualmente!!!!. Vida sentimental: se reserva a clave da caixa forte.
Retomou unha antiga amizade e di que a súa intención é dedicarlle máis tempo: a bicicleta de montaña. "...Oe Veleiro lévame na túa bicicleta..." (con permiso de Shakira e Carlos Vives). E o do "tour, amateur e vermú", escoita esta Playlist de PontevedraViva Radio e bota unhas risas con David López Veleiro... "Amour".
Relacionadas:
-
RADIO.- José Luis Poceiro en A Playlist: "Estou canso da política"
Por Marisa Ciordia |
-
RADIO.- As deliciosas historias dunha muller brava
Por Marisa Ciordia |
-
RADIO.- Toño Lafuente 37 - Balonmán 19
Por Marisa Ciordia |
-
Touriñán, David Amor e Ledicia Solá despídense de Pontevedra con "Amigos ata a morte"
Por Redacción |
-
David Amor: "Hai que ser desgraciado para ir a un concurso de beleza e que che digan que es simpático"
Por Ramiro Espiño & Mónica Patxot |