A Xunta acometerá obras en oito centros educativos de Pontevedra
Por Oskar Viéitez & Cristina Saiz
O delegado territorial da Xunta en Pontevedra, José Manuel Cores Tourís, anunciou obras en oito centros da capital. Son a EEI Concepción Crespo Rivas, o CEIP A Xunqueira I, o CEIP Álvarez Limeses, o CEIP de Marcón, o CEIP Manuel Vidal Portela e o CEIP Vilaverde.
"En total, destinaremos a estes centros 704.991 euros, aos que debemos sumar tamén os traballos de saneamento do ximnasio do IES Xunqueira I e a instalación do novo transformador eléctrico do IES de Montecelo", matizou o delegado territorial.
As obras nos centros de Primaria centraranse en mellora da accesibilidade, reforma de aseos, sistemas de iluminación e eficiencia enerxética.
Deste xeito, destinaranse 60.132 euros a reforma de fiestras e eficiencia enerxética no EEI Concepción Crespo Rivas; 50.000 a obras de accesibilidade e reforma da instalación eléctrica no CEIP Xunqueira I; 31.000 euros a renovación dos aseos do andar superior do CEIP Álvarez Limeses; 10.000 a reposición do pavimento do comedor no CEIP de Marcón e 33.150 euros para a nova iluminación led do CEIP Manuel Vidal Portela.
"En total, xunto ás obras que se realizarán no CEIP Vilaverde Mourente, estamos a falar dun investimento que este ano superará os 705.000 euros nos colexios da cidade do Lérez", especificou José Manuel Cores Tourís.
Relacionadas:
-
Educación reformará os aseos do colexio Manuel Vidal Portela
Por Redacción |
-
Máis de 100 ultraportátiles para os alumnos do IES A Xunqueira II
Por Alejandra Iannone |
-
Preocupación pola retirada de amianto do colexio de Vilaverde coincidindo coas clases
Por Oskar Viéitez & Cristina Saiz |
-
Buscan un acordo para empregar a Casa dos Mestres do Álvarez Limeses para uso educativo
Por Anxo Lourido |