O PP prepara a convocatoria de congresos locais
Por Redacción
Alfonso Rueda, máximo representante do PP de Pontevedra, presidiu este luns o comité de dirección do PP provincial, que retomou as reunións semanais para abordar cuestións internas do partido.
O punto principal do encontro centrouse na celebración dos primeiros congresos de cara o último trimestre do ano.
Os primeiros conclaves a celebrar serán Oia, Silleda, Vilaboa e Cerdedo-Cotobade. A convocatoria do congreso farase cun mínimo de 30 días de antelación para que os aspirantes poidan presentar as súas candidaturas.
Tras as celebracións destes congresos que se prolongarán ata primeiros de 2018, o Partido Popular centrarase en preparar as eleccións municipais de 2019. Rueda indicou que non necesariamente os candidatos ás alcaldías coincidirán cos presidentes locais destes congresos.