Os terreos necesarios para o edificio xudicial da Parda xa son do Concello, pero falta rexistralos
Por Natalia Puga
A adquisición por parte do Concello de Pontevedra dos terreos necesarios para a construción do novo edificio xudicial da Parda "está cerrada" e a Xunta de Galicia xa recibiu unha comunicación oficial da posta á súa disposición das parcelas en cuestión para que poida acometer as obras.
O concelleiro de Patrimonio de Pontevedra, Vicente García Legísima, facilitou a información este xoves e indicou que a Administración autonómica xa ten coñecemento desta situación porque "comunicouselle o acordo da Xunta de Goberno de posta a disposición dos terreos". Malia todo, "non recibimos ningún tipo de contestación da Xunta".
Legísima admite que, de todos os xeitos, estes terreos xa son do Concello para poder cedelos á Xunta, pero "seguen pendentes de inscribilos no Rexistro da Propiedade". Xa se enviou a documentación necesaria, pero "está a demorarse un pouco".
As previsións que manexan falan de que "este mes debería estar inscrito a nome do Concello" e "en canto estea inscrito a nome do Concello, xa se poderá acudir á notaría" para que a parcela sexa oficialmente da Xunta. Para que o proxecto non se demore máis por faltar este trámite "agora o que se fixo foi un acordo da Xunta de Goberno de posta a disposición".
Relacionadas:
-
Alfonso Rueda: "Con esta reforma, seguro que Pontevedra non vai perder ningún órgano xudicial"
Por Natalia Puga |
-
Os socialistas preguntan no Parlamento se o novo edificio xudicial da Parda estará en 2016
Por Redacción |
-
Rueda: "Non é certo que os terreos para o edificio xudicial estean a disposición da Xunta"
Por Natalia Puga |
-
O PP critica os seis meses de "mentiras e falsidades" do Concello sobre o novo edificio xudicial
Por Redacción |
-
O PP lamenta que logo de tres anos o Concello segue sen os terreos da Parda
Por Oskar Viéitez |
-
O Concello agarda que o novo edificio xudicial de A Parda non siga o mesmo camiño que o Carlos Oroza
Por Alejandro Espiño |