Días de moito balbordo pola campaña da renda
Por Oskar Viéitez
A delegación da Axencia Tributaria en Pontevedra traballa estes días a pleno rendemento co inicio da campaña da Renda.
O delegado da Axencia Tributaria en Galicia, José Luís Rodríguez, informou este xoves que prevé devolver 588 millóns aos contribuintes galegos, o que supón un 4 por cento menos que en 2011. Pola contra, os ingresos aumentarán un 13 por cento e ascenderán a 337 millóns de euros.
Das 1.267.000 declaracións que se presentarán en Galicia, "o 75 por cento serán a devolver", precisou.
En Galicia son xa 22.175 os borradores da Renda confirmados polos contribuintes, mentres que o ano pasado a cifra non superaba os 9.500, indicou.