Pontevedra tamén achega gardas civís para o dispositivo do referendo en Cataluña
Por Natalia Puga
Creada e actualizada
Creada e actualizada
A Comandancia da Garda Civil de Pontevedra tamén achega efectivos ao dipositivo especial de seguridade establecido polo Ministerio do Interior con motivo da posible celebración do referendo do próximo domingo 1 de outubro en Cataluña.
O Ministerio do Interior mobilizou a ao redor de 600 axentes especiais da Garda Civil e 700 antidisturbios como reforzos policiais para "a vixilancia do espazo público e mantemento da orde" ante a convocatoria da consulta, convocada pola Generalitat e suspendida preventivamente polo Tribunal Constitucional.
Deles, máis dunha vintena partiron este martes da Comandancia de Pontevedra e pola tarde xa alcanzaran o seu destino en Cataluña (na foto, o momento en que chegaron ao límite coa comunidade autonóma). Trátase de axentes destinados fundamentalmente á Unidade de Seguridade Cidadá da Comandancia (USECIC).
Non son os primeiros efectivos pontevedreseses que se atopan xa en Cataluña con motivo do referendo. A pasada semana, desprazáronse un centenar de axentes do Grupo de Reserva e Seguridade da Garda Civil (GRS). A maioría deles partiron directamente da súa sede en Castro Senín, na parroquia de Mourente, e unha vintena pertencen a este grupo, pero atopábanse na actualidade realizando servizos noutras partes do territorio español.
ACTO EN APOIO Á POLICÍA E GARDA CIVIL
"Ante os acontecementos que se están producindo en Cataluña e a fustrigación sufrida polas forzas e corpos de seguridade" os sindicatos SUP, CEP, UFP e SPP convocaron un "acto en apoio ás forzas e corpos de seguridade, a Constitución e a legalidade".
Será o vindeiro xoves dia 28 ás doce do mediodía na porta da Comisaría de Pontevedra, e convidan a asistir a todos aqueles cidadáns que lles queiran acompañar.
Desde os sindicatos policiais representativos queren deixar patente o seu apoio a todos os seus compañeiros que veñen desenvolvendo a súa actividade laboral nesa comunidade autónoma e a quen está actualmente desprazados "co obxectivo de garantir a seguridade e a convivencia pacífica entre os cidadáns".
"Ante os sucesos que poidan producirse", estas catro organizacións sindicais, en unidade de acción, "queremos expresar o noso desexo dunha solución pacífica e democrática tanto o día 1 de outubro, como os seguintes e que se restableza a concordia e a convivencia nesa comunidade autónoma e co conxunto de España".
Relacionadas:
-
Volven á casa todos os gardas civís de Pontevedra desprazados a Cataluña
Por Natalia Puga |
-
RADIO.- "A Garda Civil é a institución máis valorada de España, sempre nos sentimos apoiados"
Por Marisa Ciordia |
-
A Garda Civil suspende o viño oficial dos actos do Pilar en solidariedade cos compañeiros de Cataluña
Por Natalia Puga |
-
VÍDEO.- Policías piden en Pontevedra medidas urxentes para frear o "acoso" e "persecución" que sofren en Cataluña
Por Natalia Puga & Mónica Patxot |
-
Rueda asegura que Galicia vai estar atenta ao desenlace da situación en Cataluña
Por Oskar Viéitez |
-
Arredor de 200 persoas amosan o apoio ao pobo catalán nunha concentración de protesta
Por Anxo Lourido |
-
Convocan unha concentración de apoio ao pobo catalán na Subdelegación do Goberno
Por Redacción |
-
O referendo de Cataluña tamén divide aos pontevedreses
Por Oskar Viéitez |
-
Apoio policial desde Pontevedra aos axentes das forzas de seguridade en Cataluña
Por Redacción |
-
Lores non retirará o seu apoio ao "dereito a decidir" de Cataluña: "Eu son nacionalista"
Por Alejandro Espiño |
-
Moreira dá un ultimátum ao alcalde para que retire o apoio ao referendo ilegal
Por Oskar Viéitez |
-
Dúas concentracións sacan á rúa as posturas enfrontadas dos pontevedreses sobre o 'procés' catalán
Por Mónica Patxot |
-
O "procés" enfronta a PP e BNG
Por Redacción |