Ponte Caldelas insiste na comarcalización dos bombeiros municipais de Pontevedra
Por Oskar Viéitez
O goberno local do Concello de Ponte Caldelas expresou a súa satisfacción unha vez que a Xunta de Galicia e a Deputación Provincial anunciaron a súa intención de sentar a falar da modificación do mapa de emerxencias da provincia de Pontevedra.
O goberno caldelán asegura que os concellos do Verdugo, Ponte Caldelas, Cerdedo-Cotobade, A Lama e Campo Lameiro, sufren "a peor zona de sombra de toda a provincia", pois un recente estudo da Deputación sitúa a tardanza media en 50 minutos.
Este ámbito xeográfico é atendido dende os parques comarcais de Bueu ou Ribadumia, o que se consideran "completamente irracional".
Ponte Caldelas aposta pola comarcalización dos bombeiros municipais de Pontevedra como fórmula máis sinxela para solucionar a zona de sombra na comarca. Destácase que non ten sentido que as empresas do polígono do Campiño teñan bombeiros en 15 minutos e as da Reigosa deban agardar dúas horas.
Ao mesmo tempo, o Concello subliña o absurdo de que unha persoa que sofre un accidente e queda atrapada en Marcón poida ser excarcerada rapidamente polos bombeiros de Pontevedra, mentres que se ten a mala sorte de sufrilo en Vilarchán, uns centos de metros máis adiante deba agardar polos bombeiros de Ribadumia.
Relacionadas:
-
Un concelleiro de Ponte Caldelas, na UCI tras caer por un terraplén de 11 metros na Lama
Por Redacción |
-
A Deputación pide á Xunta un informe técnico que demostre a eficiencia da comarcalización dos parques de bombeiros
Por Oskar Viéitez & Mónica Patxot |
-
Os bombeiros desvelan que a Deputación aposta por crear un parque no Campiño e veno un "craso erro"
Por Redacción |
-
Os Bombeiros sufocan un incendio nun piso de Conde de Bugallal
Por Oskar Viéitez |
-
A Deputación e a Xunta crearán unha comisión de traballo para mellorar os servizos de emerxencias
Por Oskar Viéitez |
-
Ponte Caldelas debaterá unha moción para reclamar un cambio do mapa de emerxencias
Por Redacción |
-
Ponte Caldelas agárrase a un camión motobomba como única solución para a loita contra os incendios
Por Redacción |
-
Ponte Caldelas pide iniciar o proceso para comarcalizar o parque de bombeiros de Pontevedra
Por Redacción |