O alumnado de Ponte Sampaio aprende ao ritmo da eco-percusión
Por Redacción
O alumnado de primaria do CEIP de Ponte Sampaio ampliou a súa formación esta semana a través dun obradoiro de eco-percusión no que aprendeu nocións básicas sobre como tocar a batería, a caixa e o tambor.
Unha das singularidades deste obradoiro, impartido polo percusionista Didier Diaz, é que utilizaron como instrumento para practicar a percusión un balde de plástico elaborado con material de refugallo.
A actividade organizouna o equipo de dinamización da lingua galega do CEIP de Ponte Sampaio en colaboración coa ANPA Virxe do Carme e realizouse na aula de música do centro en dúas quendas de 50 minutos cada unha.
Participou alumnado dos tres ciclos de primaria do centro, que tivo oportunidade de realizar prácticas coas baquetas, potenciar o seu ritmo corporal e tocar a caixa e a batería. Ademais, para rematar, tocaron como se fosen unha banda cos baldes facilitados polo profesor.
Relacionadas:
-
O colexio de Ponte Sampaio intégrase con nenos e maiores da súa contorna
Por Redacción |
-
Os escolares disfrázanse para amosar o mundo que queren
Por Redacción |
-
VÍDEO.- Educar para cambiar a mirada sobre a violencia machista
Por Natalia Puga & Mónica Patxot |
-
Atopan un Fungo da Morte, altamente tóxico, xunto ao colexio de Ponte Sampaio
Por Redacción |
-
Comezan os obradoiros de micoloxía e lingua con estudantes de Educación Primaria
Por Redacción |
-
Os escolares de Ponte Sampaio, os primeiros en formarse en deporte, nutrición e coidado da diabete
Por Redacción |
-
Os escolares de Ponte Sampaio fórmanse en radio e en valores a través de 'Escolas sen Racismo'
Por Redacción |