O persoal de Elnosa amosa na rúa as cuestións políticas relacionadas coa súa continuidade
Por Anxo Lourido
O persoal da fábrica de Elnosa en Pontevedra mobilizouse este sábado con repartición de información en distintos puntos da cidade sobre a actividade da cloreira. Na praza da Peregrina montaban unha exposición con recortes de empresa e gráficos sobre a preocupante situación de escaseza de cloro na que quedará a Península cando a partir do 11 de decembro a Unión Europea impida a produción de cloro empregando mercurio.
Avelino García, presidente do comité de empresa, sinalaba que seguen a agardar unha resposta por parte da Dirección Xeral de Costas que lles garanta a súa continuidade na ría de Pontevedra. Esa confirmación sería fundamental para que a empresa portuguesa CUF, propietaria da electroquímica, decidise investir nun sistema de membrana que permitiría seguir elaborando cloro nas instalacións de Lourizán.
A finais deste mes, os representantes sindicais teñen previsto manter un novo encontro coa dirección da empresa para concretar como se vai a axustar o persoal e cal vai ser a produción a partir do 11 de decembro, data na que só poderán elaborar hipoclorito sódico ata que Costas se pronuncie sobre o seu futuro nos terreos afectados. Os representantes sindicais mantéñense á espera dunha entrevista con algún representante do Ministerio de Medio Ambiente desde o 30 de agosto.
O vindeiro venres 10 de novembro, o comité de empresa organizou unha manifestación polas rúas de Pontevedra para reivindicar a presenza de industria no municipio. Avelino García confirmaba que contan co apoio de traballadores de Ence e do Porto de Marín. Ao longo desta semanan seguirán ofrecendo información a diferentes colectivos.
Relacionadas:
-
Elnosa anuncia ao persoal a apertura dun expediente de regulación de emprego extintivo
Por Mónica Patxot & Anxo Lourido |
-
A Xunta fará "todo o posible" para que Elnosa teña a AAI o 11 de decembro
Por Natalia Puga |
-
Os traballadores de Elnosa, de novo nas rúas en defensa da súa continuidade en Lourizán
Por Alejandro Espiño & Mónica Patxot |
-
A Xunta prevé traballar "en paralelo" con Costas para que Elnosa siga na ría
Por Alejandro Espiño |
-
Haberá unha nova manifestación pro-Elnosa un mes antes de que deixe de producir cloro
Por Mónica Patxot & Anxo Lourido |
-
A APDR cre que a continuidade de Elnosa está afectada pola negativa de prórroga á planta de Solvay en Torrelavega
Por Oskar Viéitez |