VÍDEO.- Tes dúbidas sobre a compostaxe? A mestra composteira responde
A compostaxe chegou para quedar. Ás súas vantaxes para a poboación e a contorna súmase un compromiso: cumprir coa normativa europea que obriga a preparar para a reciclaxe máis do 50% dos residuos da bolsa do lixo antes de 2020. Do contrario, haberá sancións.
A veciñanza está a responder de xeito moi positivo na participación nun sistema de xestión dos residuos que axuda a reducir a contaminación, mellora a saúde da terra e das plantas e evita o uso de fertilizantes químicos, ademais de aforrar outros gastos na recollida de lixo. E é que se estima que entre o 40 e o 50% dunha bolsa de lixo doméstico está formado por refugallos orgánicos.
Para solucionar todas as dúbidas sobre este tema, acudimos a un centro de compostaxe comunitaria do Plan Revitaliza da Deputación Provincial de Pontevedra. Mariña Lobelle, a técnica de xestión de residuos e tratamento de biorresiduos para a área de Pontevedra, responde a todas as nosas cuestións no vídeo.
QUE É A COMPOSTAXE?
A compostaxe é a maneira de converter os restos de comida e vexetais nun fertilizante natural: o compost. Para compostar, hai que mesturar os residuos orgánicos con restos leñosos e secos de podas, serraduras ou follas (o chamado estruturante).
COMO COMPOSTAR?
1- Separa ben na casa os residuos orgánicos (restos de comida e vexetais)
2- Deposita estes restos orgánicos no módulo de achega do centro de compostaxe comunitaria máis próximo
3- Se levas o teu lixo orgánico nunha bolsa plástica, lembra tirala no colector amarelo
4- Cubre os restos orgánicos coa mesma cantidade de poda triturada que atoparás no caixón do estruturante
5- Pecha a tapa do módulo de achega
QUE BOTAR NO COMPOSTEIRO?
Pódense botar restos de comida crúa ou cociñada, froitas, verduras, cascas de ovos, mariscos, froitos secos, restos de xardín, pousos de café e restos de infusións, filtros e panos de papel (sen tinta), la en bruto, cortes de pelo...
Non se poden botar ao composteiro materiais sintéticos ou químicos nin aqueles que non sexan biodegradables (vidro, metal, plástico, bricks), aglomerados de madeira, deterxentes, medicamentos, roupa, cabichas de tabaco, cueiros de bebés...
Relacionadas:
-
Dúas empresas catalanas, dúas madrileñas e unha navarra optan a subministrar os composteiros da Deputación
Por Redacción |
-
Sanxenxo recicla máis de 31 toneladas de roupa usada a través de Humana en 2017
Por Redacción |
-
"Compostar é un chanzo máis do que xa facemos co cartón e o plástico"
Por Noticia patrocinada |
-
"A compostaxe ten que ser unha aposta xeralizada. O futuro vai por aí"
Por Noticia patrocinada |
-
Empeza a conta atrás para que os concellos se adhiran ao Plan Revitaliza
Por Redacción |
-
Lores ve "intereses políticos" nas "tensións sociais" que provoca a compostaxe
Por Alejandro Espiño |
-
VÍDEO.- A frenética actividade das mestras e mestres composteiros
Por Noticia patrocinada |
-
Compostaxe: á vangarda da xestión do lixo na Galiza
Por Noticia patrocinada |
-
Vilaboa instalará 10 composteiros comunitarios durante 2018 nos núcleos de máis poboación
Por Redacción |
-
Este sábado haberá repartición de compost e flores na Ferrería
Por Oskar Viéitez |