Un investigador de Acerbaixán 'toma nota' dos petróglifos de Mogor
Por Redacción
O investigador Rehman Abdullayev, responsable da reserva histórico-artística nacional de Gobustán, en Acerbaixán, visitou este venres o centro de interpretación dos petróglifos de Mogor para comprobar o estado de musealización destes restos arqueolóxicos.
Estivo acompañado pola concelleira de Cultura de Marín, María José De Pazo, e polo director do Parque Arqueolóxico de Arte Rupestre de Campo Lameiro, José Manuel Rey.
A reserva de Gobustán é unha paisaxe cultural con arte rupestre incluída na lista do Patrimonio Mundial da Unesco.
Comprende tres zonas dunha meseta rochosa emprazada na rexión semidesértica que ocupa o centro do Acerbaixán e alberga un conxunto excepcional de máis de seis mil petróglifos, executados ao longo dun período de 40.000 anos de arte rupestre.
Tamén posúe vestixios de poboamentos, covas habitadas e sitios funerarios, que constitúen unha proba da súa ocupación intensiva polo ser humano no período húmido subseguinte á última era glaciar, desde o Paleolítico Superior ata a Idade Media.
O sitio abarca unha superficie total de 537 hectáreas, que forman parte do territorio protexido, moito máis extenso, da reserva de Gobustán.
Relacionadas:
-
Denuncian o "desleixo" das administracións cos petróglifos de Barro
Por Redacción |
-
Marín acorda coas comunidades de montes a protección dos espazos arqueolóxicos
Por Redacción |
-
A arte rupestre de Pontevedra xa ten APP propia
Por Redacción |
-
Os veciños de Mogor solicitan lombos ao Concello de Marín
Por Oskar Viéitez |
-
RADIO.- A Playlist de Carlos Prado: Entre Mogor e a Antártida... a ficción e a realidade
Por Marisa Ciordia |
-
Marín crea sendas e pasos de peóns para mellorar a seguridade viaria
Por Redacción |