Cotobade acolle a "reflexión" de Sonia Tourón contra a lacra das violencias machistas
Por Redacción
O IES de Cotobade acolleu este luns a terceira intervención artística do programa "Mulleres en Acción. Violencia Zero" da Deputación de Pontevedra, unha iniciativa que ten por obxectivo darlle visibilidade á loita contra as violencias machistas así como dar a coñecer o traballo de novas artistas contemporáneas que están a traballar a prol da igualdade.
No acto, ao que acudiron preto dun centenar de mozos do IES de Cotobade, a deputada de Cohesión Social, Digna Rivas, lembrou ás 52 mulleres asasinadas durante este 2017 e nomeounas unha a unha para "remover conciencias e para que no as esquezades".
A deputada provincial, acompañada polo alcalde de Cerdedo-Cotobade, Jorge Cubela, tamén subliñou que "estamos ante un problema gravísimo que temos que solucionar canto antes, pois dende o 2003 levamos 900 mulleres asasinadas e isto non o podemos consentir".
A protagonista da acción artística foi a pontevedresa Sonia Tourón, que fixo reflexionar ao público coa súa performance "Meu querido trampantollo".
Con esta actuación estableceu un diálogo íntimo entre a muller e o home que a maltrata empregando o concepto do "trampantollo", que significa "trampa ante o ollo" e é un artificio ou ilusión co que se engana a alguén facéndolle ver o que non é.
Relacionadas:
-
Danza en Barro contra as violencias machistas
Por Redacción |
-
Unha orixinal performance con coliflores escenifica en Cambados a forza das mulleres
Por Redacción |
-
A Deputación aproba o seu primeiro Plan de Igualdade, que elimina toda discriminación contra as mulleres
Por Natalia Puga |
-
"Somos o 52% da poboación e estamos fartas da desigualdade"
Por Natalia Puga |