Ao sol coma os lagartos, antes de que volva o frío
Por Mónica Patxot
Os pontevedreses aproveitaron o calorciño deste mércores soleado antes de que a entrada de aire atlántico, cara á tarde noite, trouxese máis humidade, máis nubes e temperaturas máis baixas.
Esta entrada de aire frío nas capas medias e altas da atmosfera debilitará a situación anticiclónica, o que provocará un aumento das nubes, que serán máis compactas durante a mañá do xoves.
Segundo a información de Meteogalicia, organismo dependente da Consellería de Medio Ambiente, pola tarde haberá predominio de nubes altas e cara á noite irán aumentando as nubes no terzo Norte da comunidade, ata con choivas. Ademais, espéranse bancos de néboa matinais en zonas do interior.
Os ventos soprarán moderados de compoñente Norte, con intervalos fortes no litoral atlántico.
Pola súa banda, as temperaturas experimentarán un descenso, máis acusado nas máximas, podendo ser notable, con baixadas de sete grados ou máis.