Nove praceiras amplían os seus postos no mercado de abastos de Pontevedra
Por Alejandro Espiño
O mercado de abastos de Pontevedra, aos poucos, vai cubrindo as súas postos vacantes. O novo regulamento, destaca o goberno municipal, permitiu que nove usuarios da praza puidesen ampliar uns postos que, para a súa actividade, xa se lles quedaban pequenos.
Fontes municipais explicaron que se formalizaron xa sete autorizacións, presentada por seis usuarios -uno deles pediu ampliar dous postos-. Outras tres están a tramitarse e concederanse nos próximos días.
Estas dez peticións, que se conceden en réxime de aluguer, permiten aos solicitantes ocupar as bancadas que estaban baleiras á beira dos seus respectivos postos.
Poderán facelo ano tras ano ata un máximo de catro. Chegado ese momento se quixesen renovar o permiso para utilizar este espazo deberían acudir ao réxime de concesión.
Todos os solicitantes son vendedores de peixe e marisco.
Con estas autorizacións, quedan actualmente 36 vacantes na praza de Pontevedra. Salvo unha caseta dobre no exterior e unha caseta dentro, maioritariamente son postos na zona de venda de peixe.
A este proceso súmase o traslado dos postos que abandonarán a primeira planta, para convertela nun espazo gastronómico, e o cambio de localización da lonxa.
A falta do traslado de pezas de maquinaria que serán reaproveitadas, para poder abrir a lonxa na súa nova localización na planta baixa tan só falta a autorización de Sanidade. Técnicos da consellería visitarán este espazo a próxima semana.
Relacionadas:
-
Mira, un touro entre o peixe!
Por Marisa Ciordia |
-
O espazo gastronómico do mercado estará vinculado co mar
Por Alejandro Espiño |
-
O "novo" mercado de Pontevedra, a pleno rendemento a principios de 2019
Por Alejandro Espiño |
-
Stranger Things inspira unha Sétima Feira "excepcional" para xaneiro
Por Redacción |
-
A lonxa de Pontevedra, rumbo á planta baixa do mercado
Por Redacción |
-
O Ganapán toma un descanso para permitir as obras do mercado tras recibir a 2.000 nenos
Por Redacción |