Dous menores pasan a disposición da fiscalía coma supostos autores dun blog ofensivo
Por Oskar Viéitez
Dous menores, alumnos do instituto de ensino secundario Castro Alobre, de Vilagarcía, foron postos a disposición da Fiscalía por supuestamente publicar nun blog imaxes obscenas de alumnos do centro.
A Policía Nacional abriu a investigación a raíz da denuncia presentada en Comisaría por algúns pais e o propio director do centro situado en pleno casco urbano de Vilagarcía.
Os alumnos foron identificados tras seguir o rastro da persoa que creou o blog na Internet e foron trasladados á comisaria do Corpo Nacional de Policía, onde se lles tomou declaración.