Tres empresas optan ao contrato municipal do Servizo de Axuda no Fogar
Por Oskar Viéitez
Tres empresas interesáronse polo contrato do Servizo de Axuda no Fogar que o Concello de Pontevedra ten en fase de licitación. Trátase de OHL, Fundación para o Estudo e a Promoción da Acción Social (Fepas) e a empresa especializada Idades SL.
A anterior concesionaria deste servizo, a empresa Clece, presentara un recurso especial en materia de contratación porque entendía que o prezo que establecía o contrato era insuficiente. A resolución desta reclamación acaba de ser comunicada ao Concello de Pontevedra por parte do tribunal administrativo central de recursos contractuais que rexeita a demanda posta por Clece.
A actuación municipal está "xustificada" ao entender este tribunal, dependente do Ministerio de Facenda, que o estudo económico que fai o concello é "totalmente coherente". Ademais na súa resposta o tribunal ten en consideración os prezos que se pagan noutros concellos como O Grove, Vigo, Betanzos, As Pontes ou Abegondo.
O martes 30 de xaneiro na mesa de contratación abriranse as plicas dos licitadores que se presentaron.
PARQUE DE CAMPOLONGO
Por outra banda o concelleiro de Facenda, Raimundo González, informou da existencia dun erro de redacción no contrato do parque de Campolongo o que obriga a "resetear e volver reiniciar" todo o proceso.
Relacionadas:
-
Idades, nova adxudicataria da Servizo de Axuda no Fogar do Concello
Por Redacción & Gabriela Varela Asorey & Anxo Lourido |
-
O aumento do prezo do SAF obriga a "resetear" os prazos de licitación
Por Alejandro Espiño |
-
A empresa Idades asume o servizo de axuda no fogar ata o novo contrato
Por Alejandro Espiño |
-
O PP pedirá explicacións sobre a polémica do Servizo de Axuda no Fogar nunha comisión extraordinaria
Por Natalia Puga |
-
O Concello garante a continuidade do servizo de axuda no fogar a usuarios e traballadores
Por Oskar Viéitez |
-
Clece deixa de prestar o servizo de axuda no fogar en Pontevedra
Por Alejandro Espiño |