Marea Pontevedra confirma a Luís Rei como o seu candidato á alcaldía para 2019
Por Redacción
Marea Pontevedra deu a coñecer o que será o seu candidato nas próximas eleccións municipais, no ano 2019, e fíxoo sen sorpresas.
O seu actual voceiro, Luís Rei, será o cabeza de cartel da candidatura unha vez pechado o prazo de presentación para o proceso de primarias aberto na formación política.
A de Luís Rei foi a única candidatura que presentou ante a comisión electoral os avais correspondentes.
Desta forma, aínda que se mantén a data para a xornada de votación prevista para o 9 de febreiro, as opcións que se atoparán os afiliados serán a de votar ao voceiro do grupo municipal ou facelo en branco.
Para os responsables de Marea Pontevedra, o feito de que exista un único candidato reflicte o "alto grao de consenso" co traballo realizade durante os tres últimos anos na corporación municipal.
Relacionadas:
-
Luis Rei e Luis Villares ven a Marea Pontevedra encabezando un goberno de coalición en 2019
Por Alejandro Espiño |
-
Luís Rei, primeiro 'alcaldable' confirmado para as eleccións municipais de 2019
Por Redacción |
-
Luís Rei presenta os avais para ser candidato de Marea á alcaldía de Pontevedra
Por Oskar Viéitez & Mónica Patxot |