Impulsan unha actuación "integral" na Xunqueira do Vao para mellorar o seu estado
Por Alejandro Espiño
Lograr que a Xunqueira do Vao estea en "perfecto estado de revista". Con ese espírito, o goberno municipal impulsa unha actuación que permitirá acondicionar todos os espazos públicos deste ámbito natural. Investiranse 195.376 euros.
A empresa que se faga cargo destes traballos terá tres meses para executalos, polo que o Concello espera que estean terminados de cara o próximo verán.
Segundo explicou o portavoz municipal, Raimundo González, a pesar dos traballos de mantemento e reparación que se foron facendo de forma habitual, "maioritariamente" todos os elementos do mobiliario "teñen esgotada a súa vida útil".
Así, o Concello arrombará todo este espazo natural, utilizado por centos de pontevedreses para facer deporte ou pasear, sobre todo a partir da primavera.
O proxecto incluirá, entre outras actuacións, o pintado de todos os bancos, a mellora das fontes, o perfilado dos camiños, a retirada da base da ponte que se eliminou hai meses, a renovación dunha ponte inutilizada entre Pontecabras e o miradoiro, a mellora do propio miradoiro, a reparación do punto para avistar paxaros ou a limpeza do sistema de augas pluviais.
Esta actuación integral en toda a Xunqueira do Vao levará tamén a rehabilitación doutra ponte peonil paralelo ao reconstruído pola Deputación ou a mellora da unión deste espazo coa rúa Martín Códax.
Raimundo González asegurou que o proxecto xa está redactado e será licitado en próximos días.
Relacionadas:
-
A desmontaxe e reparación das pasarelas de madeira inicia as obras na Xunqueira de Alba
Por Redacción |
-
A mellora integral da Xunqueira de Alba comezará en dúas semanas
Por Alejandro Espiño |
-
Contratan por 178.000 euros a instalación de 18 novos centros de compostaxe
Por Alejandro Espiño |
-
Bora cambia ao LED cunha renovación de toda a súa iluminación pública
Por Alejandro Espiño |