A camelia, protagonista en Vilagarcía no LIV Concurso Exposición Internacional
Por Redacción
Pontevedra, Vigo e Vilagarcía repártense a organización do Concurso Exposición Internacional da Camelia, e nesta ocasión tócalle a quenda á capital arousá de gozar dunha das flores máis recoñecidas da Rías Baixas.
O recinto da Praza da Peixería acolleu este sábado a inauguración da LIV edición do concurso exposición.
Unha trintena de cultivadores participan este ano no evento mostrando as súas composicións e o seu bo facer en busca dun dos premios que se fallarán este domingo ás mellores variedades e aos conxuntos.
A mostra desenvólvese nunha superficie de aproximadamente 120 metros cadrados.
A inauguración contou coa presenza do alcalde de Vilagarcía, Albeto Varela, a deputada provincial Digna Rivas ou a directora de Turismo de Galicia, Nava Castro, entre outros.
RUTAS DA CAMELIA
A camelia non foi só protagonista en Vilagarcía, xa que este sábado tiveron lugar as tres primeiras das cinco rutas "Camelias e xardíns históricos", organizadas pola Deputación e que buscan permitir ás persoas visitantes gozar do patrimonio histórico e tamén do patrimonio natural da provincia.
As rutas realizadas, que esgotaran previamente as prazas dispoñibles, foron: "Camelias con lenda" no Castelo de Soutomaior e o Pazo de Lourizán; "Camelias e viñedos" polo Pazo Quinteiro da Cruz e o Pazo de Rubiáns; e "Camelias e Paseos" por Caldas de Reis, Pontevedra e o Pazo de Gandarón.
Relacionadas:
-
A Deputación promociona a ruta da camelia cunha visita guiada ao castelo de Soutomaior
Por Redacción |
-
Un escaparate photocall na Michelena achega a camelia ao centro urbano
Por Almu Dapena & Victoria Regueira |
-
VÍDEO.- Un menú con sabor a camelia pecha o proxecto de innovación do CIFP Carlos Oroza
-
A Deputación organiza as rutas gratuítas "Camelias e xardíns históricos"
Por Oskar Viéitez |
-
Máis de 7.000 persoas pasaron polo Concurso/Exposición da Camelia
Por Redacción |
-
E a Camelia de Ouro é para...
Por Redacción |