O paro baixa en marzo en 105 persoas na cidade de Pontevedra
Por Redacción
O número de persoas desempregadas rexistradas na cidade de Pontevedra no mes de marzo é de 6.198, unha cifra que supón un descenso do paro con respecto ao mes anterior de 105 persoas.
O paro reduciuse na maioría dos municipios da provincia.
Xunto ao dato da capital da provincia son igualmente significativos os descensos no número de desempregados vividos nos concello de Sanxenxo, con 127 desempregados menos e O Grove, con 139.
Febreiro | Marzo | Variación | |
Pontevedra | 6.303 | 6.198 | -105 |
Barro | 307 | 300 | -7 |
Bueu | 829 | 809 | -20 |
Caldas de Reis | 805 | 784 | -21 |
Cambados | 1.175 | 1.157 | -28 |
Campo Lameiro | 145 | 141 | -4 |
Cerdedo-Cotobade | 402 | 398 | -4 |
Cuntis | 335 | 335 | 0 |
O Grove | 1.070 | 931 | -139 |
A Illa de Arousa | 353 | 353 | 0 |
A Lama | 188 | 188 | 0 |
Marín | 1.787 | 1.734 | -53 |
Meaño | 421 | 391 | -30 |
Meis | 398 | 375 | -23 |
Moraña | 359 | 332 | -27 |
Poio | 1.176 | 1.143 | -33 |
Ponte Caldelas | 529 | 515 | -14 |
Portas | 236 | 227 | -9 |
Ribadumia | 366 | 366 | 0 |
Sanxenxo | 1.292 | 1.165 | -127 |
Vilaboa | 443 | 442 | -1 |
Vilagarcía de Arousa | 3.713 | 3.708 | -5 |
Vilanova de Arousa | 843 | 852 | 9 |
DATOS PROVINCIAIS
O número de persoas demandantes de emprego reduciuse durante o mes de marzo en Pontevedra, do mesmo xeito que na media de España e Galicia, animada polo emprego estacional do sector servizos durante a Semana Santa. En todo o territorio a redución foi superior ao 1% e na provincia pontevedresa chegou ás 1.348 persoas, un 1,80% menos.
As estatísticas facilitadas este martes polo Ministerio de Emprego e Seguridade Social mostran que a provincia terminou o mes cun total de 73.610 persoas paradas rexistradas nas oficinas do servizo público de emprego.
A redución do número de demandantes de emprego implica que ao 31 de marzo había 10.784 parados menos que un ano antes, unha redución do 12,78%.
A redución é unha tendencia rexistrada en toda a comunidade autónoma. En Galicia marzo tivo un descenso do 1,65% dos desempregados, con 185.103 demandantes de emprego, 3.104 menos que un mes antes.
En España, o paro baixou en marzo en 47.697 desempregados respecto ao mes anterior, unha redución porcentual do 1,4%. En total, ao 31 de marzo había 3.422.551 desempregados, o seu nivel máis baixo do últimos nove anos. Con esta baixada de marzo, encadéanse seis meses de retrocesos consecutivos.
Relacionadas:
-
O paro segue a tendencia á baixada dos meses de maio: 2.808 desempregados menos na provincia
Por Redacción |
-
O paro baixa en 114 persoas durante o mes de abril na cidade de Pontevedra
Por Oskar Viéitez |
-
O paro cae en febreiro, animado polo sector servizos, en 800 persoas en Pontevedra
Por Redacción | Creada e actualizada
-
Mal dato do paro en xaneiro: 310 desempregados máis na cidade de Pontevedra
Por Oskar Viéitez | Creada e actualizada
-
213 persoas atoparon traballo na Boa Vila o pasado mes de decembro
Por Redacción |
-
O paro baixa en 203 persoas no mes de abril na cidade de Pontevedra
Por Oskar Viéitez | Creada e actualizada
-
Pontevedra, con 33 desempregados máis, rompe a tendencia á baja do paro en marzo
Por Redacción | Creada e actualizada