A avespa asiática sae do seu letargo invernal, é o momento de actuar
Por Oskar Viéitez
Coa primavera regresa a avespa asiática (vespa velutina). Tras o letargo invernal, cada raíña, fertilizada, soa, comeza a creación dunha nova colonia para o que construirá un niño primario no que poder empezar a criar as primeiras avispas obreiras. Este é o mellor momento para poer trampas e capturar ás raiñas.
A presidenta da Deputación de Pontevedra, Carmela Silva, asinou este xoves co secretario xeral da Asociación Sectorial Forestal Galega (ASEFOGA), Jacobo Feijóo, un convenio por 36.000 euros para realizar un programa de divulgación sobre a avespa velutina.
A través do convenio vaise realizar unha exposición itinerante nas feiras da provincia e mediante un stand no que se difundirá información sobre a praga e os seus efectos, se repartirán trampas artesanais e aclararán dúbidas de xeito personalizado. Amais, vanse organizar dúas xornadas técnicas sobre a avespa velutina impartidas por persoas con experiencia e coñecemento a especie.
Jacobo Feijóo incidiu na importancia "da loita contra esta especie exótica que está a afectar en grande medida ao noso ecosistema, ás nosas froitas e abellas, e tamén ocasionando unha carga adicional de traballo para protección civil, que están a ter moitas máis saídas para retirar niños de velutinas".
Carmela Silva aproveitou a ocasión para instar á Xunta de Galicia a asumir as súas competencias "ante o gravísimo problema da avespa velutina" que está a xerar unha "enorme alarma social" e a ocasionar graves danos ao Medio Ambiente.
Finalmente, o secretario de ASEFOGA puxo en valor o traballo que está a desenvolver a Estación Fitopatolóxica do Areeiro, "a primeira en dar alertas e tamén a primeira en aportar solucións nesta e noutras pragas".
Relacionadas:
-
Os apicultores alertan sobre as avespas velutinas: "O único xeito de erradicalas é saber onde están todos os niños"
Por Redacción |
-
Unha veciña de Barro recibe asistencia médica ao ser picada por tres avespas velutinas
Por Redacción |
-
Entregan arpas eléctricas aos apicultores de Marín
Por Redacción |
-
Ofensiva de Marín contra a avespa velutina
Por Redacción |
-
Barro blíndase fronte á vespa velutina, que prolifera coa chegada do bo tempo
Por Redacción |
-
Obxectivo: eliminar as raíñas da velutina
Por Redacción |
-
Trampas para as velutinas do río dos Gafos
Por Redacción |
-
Charlas para saber actuar contra a avespa asiática
Por Redacción |