Votación nos xulgados da Parda ao berro de "traidores" e "vendidos"
Por Paula Sanmartín & Anxo Lourido
Varios axentes da Policía nacional atopábanse este venres no edificio dos Xulgados da Parda debido á tensión que se rexistraba durante a votación en urna, que se levaba a cabo para que os funcionarios de xustiza decidiran se apoiaban o preacordo que os sindicatos CC.OO., UGT, CSIF e USO acadaron nas últimas horas coa vicepresidencia da Xunta para rematar a folga que leva case tres meses de duración.
Representantes dous outros tres sindicatos, CIG, CUT e STAJ, contrarios a este preacordo, acompañados por outros traballadores amosaron a súa oposición e trasladaron o malestar a algúns delegados que se atopaban recollendo as papeletas na mesa de votos. "Traidores", "vendidos", "vergüenza", "falsos" foron algunhas das expresións que se lles dedicaron durante a votación que se prolongaba ata as 17.00 horas.
Os críticos apuntan a que o preacordo estaba pactado desde hai máis dun mes sen que se trasladara información duns a outros sindicatos. Tamén sinalan que este preacordo é unha sinatura en falso que non vai pechar un conflito en que numerosos funcionarios síntense enganados despois dun longo período de paro sen cobrar.
A Xunta de Galicia contempla un aumento do salario de 140 ao mes para os forense, 135 para os xestores, 127 para os tramitadores e 122 para o corpo de auxilio. Esta suba está previsto que se leve a cabo en tres anos. Estas cifras son rexeitadas por CUT, CIG e STAJ.
Durante a xornada, o sindicato Comisiones Obreras mantiña unha asemblea nos locais sindicais e o delegado Antonio Millares alertaba das dificultades que os seus afiliados estaban a sufrir para votar nos Xulgados da Parda e ata o edificio xudicial foron varios dos seus delegados, segundo indicaba a secretaria de organización de CC.OO., Mabel Pérez Simal.
Pola súa banda, Ramón Vidal, secretario comarcal de UGT, tamén lamentaba esta situación de tensión e alegaba que moitos traballadores estaban a desvencellarse da folga debido á longa duración e apuntaba que é necesario retomar a normalidade nos xulgados galegos.
Relacionadas:
-
Nos tribunais: catro meses sen xustiza e moitos nomes propios
Por Oskar Viéitez |
-
Os sindicatos denuncian unha "caza de bruxas" por parte da Xunta e a Fiscalía contra os delegados de xustiza
Por Oskar Viéitez |
-
Os funcionarios de xustiza decididos a suspender a folga indefinida
Por Oskar Viéitez & Paula Sanmartín |
-
"Somos funcionarios, non moeda de cambio"
-
Funcionarios da Xustiza en Pontevedra foxen das siglas e piden aos sindicatos "sentido común e tolerancia"
Por Natalia Puga |
-
Traballadores de Xustiza piden que se retome a unidade sindical e haxa negociacións inmediatas
Por Natalia Puga & Mónica Patxot |
-
O vicepresidente da Xunta critica actitudes "en absoluto democráticas" nas votacións nos xulgados
Por Redacción |
-
O persoal de Xustiza rexeita o preacordo de catro sindicatos coa Xunta de Galicia
Por Anxo Lourido |
-
Xunta e sindicatos alcanzan un preacordo para poñer fin á folga da xustiza
Por Redacción |
-
Rueda anuncia que esta semana se convocará a mesa de negociación na administración de xustiza
Por Oskar Viéitez & Paula Sanmartín |